Áhrifaþættir á starfsmannaveltu hjá Slökkviliði Akureyrar

Verkefnið er lokaðÍ þessari skýrslu verður fjallað um starfsmannaveltu, hverjir séu helstu áhrifaþættir hennar og hvað sé hægt að gera til að takmarka hana. Við greiningu þessara þátta var nauðsynlegt að fjalla einnig um stjórnun, auk þess sem komið verður inn á leynda- og ljósa þekkingu þar sem mikil þekking glatast oft á tíðum þegar starfsmaður lætur af störfum. Verkefnið var unnið í samstarfi við Slökkvilið Akureyrar og var í upphafi lagt upp með rannsóknarspurninguna: Hverjir eru helstu áhrifaþættir á starfsmannaveltu innan Slökkviliðs Akureyrar? Til þess að leita svara við rannsóknarspurningunni var spurningalisti lagður fyrir starfsmenn, auk þess sem viðtal var tekið við slökkviliðsstjóra hjá Slökkviliði Akureyrar. Niðurstöður könnunarinnar leiddu í ljós að ýmsum þáttum er ábótavant þegar kemur að starfsmannamálum innan slökkviliðsins. Almennt voru starfsmenn ekki ánægðir með upplýsingaflæði frá stjórnendum, auk þess sem flestir starfsmenn vildu fá fleiri tækifæri til endurmenntunar. Starfsmenn voru heilt yfir ánægðir með samskiptin sín á milli, þrátt fyrir að flestir þeirra telji að starfsandinn innan slökkviliðsins ekki góður. Alla þessa þætti má vinna að því að bæta og eru tillögur að úrbótum kynntar neðar í skýrslunni, ásamt fleiri þáttum sem huga þarf að til að koma í veg fyrir óhóflega starfsmannaveltu. Lykilorð: Starfsmannavelta, mannauðsstjórnun, ráðningar, starfsánægja, tækifæri í starf