Þjónusta við fjölskyldur barna með ADHD

Helsta viðfangsefni þessarar ritgerðar er þjónusta við fjölskyldur barna sem greinast með athyglisbrest með eða án ofvirkni (ADHD). Á síðustu árum og áratugum hefur þeim börnum sem greinast með röskunina fjölgað. Innan fjölskyldunnar eiga nánustu samskipti fólks sér stað. Í fjölskyldum barna með ADHD getur reynt meira á tengsl og samskipti milli fjölskyldumeðlima heldur en í öðrum fjölskyldum þar sem ekki er saga um ADHD greiningu. Í öðrum kafla er fjallað um kenningar Urie Bronfenbrenner, Erik H. Erikson og John Bowlby og hvernig þær geta nýst til að mæta þörfum barna með ADHD. Auk þess er fjallað um mikilvægi þess að fagaðilar notist við heildarsýn í vinnu með fjölskyldum barna og hafi í huga ólíka stöðu hverrar fjölskyldu fyrir sig. Í samstarfi foreldra og fagfólks er einnig mikilvægt að gagnkvæmt traust og virðing sé til staðar, sérstaklega með tilliti til sjálfsákvörðunarrétt einstaklinga. Þegar veita á þjónustu til fjölskyldna barna með ADHD er nauðsynlegt að hafa í huga að barnið er ekki eini þiggjandi þjónustunnar, heldur öll fjölskyldan og ber fagaðila að hafa hagsmuni hennar í huga við skipulag þjónustunnar. Markmið þessarar ritgerðar var að leita svara við eftirfarandi rannsóknarspurningu: Hvaða þjónusta stendur til boða fyrir fjölskyldur barna sem greinast með ADHD?. Helstu niðurstöður ritgerðarinnar benda til að aðgengi fjölskyldna að þjónustu er ábótavant. Samt sem áður geta fjölskyldur leitað sér aðstoðar sálfræðinga en sú þjónusta er ekki niðurgreidd þar sem ADHD telst ekki til fötlunar