Hver er sinnar gæfu smiður? Um gerð útvarpsþátta um íslenskt samfélag, innflytjendur og brottflutta Íslendinga frá sjónarhóli fjögurra viðmælenda

Með þessu verkefni er markmiðið að fjalla um gerð fjögurra útvarpsþátta. Útvarpsþættirnir fjalla um fjóra einstaklinga sem allir hafa búið á Íslandi og allir hafa búið við frábrugðnar aðstæður. Með útvarpsþáttunum er markmiðið að skoða þeirra upplifun á íslensku samfélagi og því hvernig íslenskt samfélag kemur fyrir sjónir með útlensk samfélög til hliðsjónar. Við vinnslu útvarpsþáttanna og rannsóknavinnu þeim tengdum komu fyrir mörg álitamál sem nauðsynlegt var að gera betur skil en hægt var í þáttunum sjálfum. Þau voru skoðuð og nánar gerð grein fyrir þeim í verkefninu. Þessi álitamál eru af ýmsum toga. Þar má nefna flóttamannamál á Íslandi, áhrif stríðsátaka á börn og reynsla hjálparstarfsmanna. Kostir og gallar munnlegra heimilda og munnlegrar sögu eru til umfjöllunar og ástæður þess að munnlegar heimildir henta vel fyrir þetta verkefni. Hlutverk útvarpsins í verkefninu var skoðaður og hversu hentugur miðill útvarp er fyrir verkefni sem þetta. Hljóðheimur útvarpsþáttanna, upplifunin að hlusta á útvarp og vinnan sem stendur að baki gerð útvarpsþátta kemur einnig fyrir. Rannsóknavinnan stóð yfir frá vorinu 2012 og lauk vorið 2013