No More, No More: The impact of public opinion on public policy

Markmið þessarar ritgerðar er að öðlast betri skilning á því hvernig opinber stefnumótun gengur fyrir sig. Í þeim tilgangi verður varpað ljósi á tiltekna þætti sem skýra þróun atburðarrásar sem sem lauk með afnámi allra ákvæða sem kveða á um uppreist æru í almennum hegningarlögum. Þessi lagaákvæði almennra hegningarlaga hafa verið nær ósnert í um 80 ár. Dæmdur kynferðisafbrotamaður fékk í Hæstarétti endurheimt lögmannsréttinda 2017 og vakti það athygli almennings. Almenningsálitið, í samspili við fjölmiðla, gerði kröfu um opnari stjórnsýslu, innsýn í málsmeðferð dómfelldra manna sem sækja um uppreist æru og aukið samráð við brotaþola. Dagskrárkenningar í opinberri stefnumótun eru lagðar ritgerðinni til grundvallar, en þær leggja áherslu á tildrög mála, upphaf þeirra, miðlun upplýsinga, skilning okkar á mannshuganum og afdrif mála í stefnumótunarferlinu. Í ritgerðinni er farið yfir ferli kröfunnar sem getið er hér að ofan og einstaka þætti atburðarrásarinnar sem komu málinu á verulegt skrið. Rannsóknartímabilið sem hér er tekið fyrir spannar hálft ár en forsögu málsins má rekja aftur til ársins 2008 með kynferðisafbrotadómi umrædds manns. Höfundur færir rök fyrir því að nálgun þessa máls hafi verið neðansækin, frá hinu útbreidda almenningsáliti sem stýrði því að stjórnvöld tóku málið til efnislegrar meðferðar og að lokum til lögformlegrar atkvæðagreiðslu á þinginu