Ofbeldi á heimilum og hlutverk grunnskólans : sjónarhorn barna og unglinga

Í B.Ed. ritgerð þessari voru lagðar fram tvær rannsóknarspurningar, annars vegar hvort börn og unglingar myndu leita til kennara eða starfsmanna grunnskóla ef ofbeldi væri á heimilum þeirra, og hins vegar hvort börn og unglingar vilja fá fræðslu í skólum um ofbeldi á heimilum og ef svo er, hvað vilja þau læra. Svör grunnskólanema við spurningakönnun sem fyrir þau var lögð í rannsókninni ,,Þekking barna á ofbeldi á heimilum“ voru greind til að svara rannsóknarspurningunum. Könnunin var lögð fyrir rúmlega 1100 grunnskólabörn víðs vegar um landið og fór fyrirlögnin fram frá mars til október 2006. Auk greiningar á niðurstöðum voru þær einnig bornar saman við niðurstöður tveggja sambærilegra, erlendra rannsókna – annars vegar breskar rannsóknar og hins vegar svissneskrar. Niðurtöðurnar eru athyglisverðar að því leyti að þær sýna að grunnskólanemendur eru ekki líklegir til þess að leita til kennara eða annarra starfsmanna skóla með áhyggjur sínar en stór meirihluti þeirra sem svöruðu vilja fá fræðslu í skóla og hafa skýrar hugmyndir um hvað þau vilja fá fræðslu um