Þjónustugæði í smásöluverslun

Góð þjónusta er lykilatriði ef halda á viðskiptavinum ánægðum og viðhalda tryggð þeirra. Þetta á jafnt við um þjónustu- og framleiðslufyrirtæki. Hönnuð hafa verið almenn mælitæki sem hægt er að nota til að mæla gæði þjónustu. Eitt þeirra er SERVQUAL. Önnur mælitæki hafa verið sniðin að ákveðinni tegund starfsemi. RSQS er til dæmis ætlað til nota í smásölufyrirtækjum. Rannsóknir, þar sem það mælitæki hefur verið notað, benda til þess að víddir þjónustugæða í smásöluverslun séu mismunandi eftir menningarsvæðum og tegund verslunar. Engar rannsóknir á víddum þjónustugæða í smásöluverslun hafa verið gerðar á Íslandi. Markmið rannsóknarinnar, sem verður til umfjöllunar í þessari grein, var að fá fram víddir þjónustugæða í þægindaverslun á Íslandi. Gerð var megindleg rannsókn með hentugleikaúrtaki. Niðurstaða rannsóknarinnar var sú að víddir þjónustugæða í þægindaverslun á Íslandi eru ekki þær sömu og í upphaflega RSQS mælitækinu og styðja því við niðurstöður fyrri rannsókna