Hver er upplifun foreldra á stuðningsúrræðinu tilsjón

Þessi rannsókn byggir á eigindlegum og megindlegum rannsóknaraðferðum. Þar sem tekin voru eigindleg viðtöl við fimm einstæðar mæður sem fengið höfðu stuðningsúrræðið tilsjón á árunum 2011 – 2014. Einnig var lögð fyrir spurningalistakönnun í formi netkönnunar til allra félagsráðgjafa og ráðgjafa sem sinna félagslegri ráðgjöf hjá þjónustumiðstöðvum Reykjavíkurborgar. Í stuðningsúrræðinu tilsjón felst aðstoð eða að veita leiðsögn til foreldra við uppeldi og aðbúnað barna og fer stuðningurinn fram inni á heimili foreldra eða foreldris. Tilgangur rannsóknarinnar var að kanna upplifun foreldra sem fengið hafa stuðningsúrræðið tilsjón inn á heimili frá þjónustumiðstöðvum Reykjavíkur. Markmiðið var að rannsaka upplifun, aðstæður og hug foreldra sem fengið hafa tilsjónarmann inn á heimili og fá mat félagsráðgjafa sem vinna á þjónustumiðstöðvum Reykjavíkur á því hvort árangur er af stuðningsúrræðinu tilsjón og hvernig hann nýtist foreldrum. Það var lögð sérstök áhersla á að skoða og fá að heyra hvernig foreldrar upplifa þennan stuðning. Niðurstöður rannsóknarinnar benda til þess að félagsráðgjafar á þjónustumiðstöðvum setja stuðningsúrræðið tilsjón inn þegar foreldra vantar uppeldislega ráðgjöf. Foreldrarnir upplifa ánægju með tilsjónarmann þar sem hann er að aðstoða þá við börnin. Foreldrar upplifa sig ekki vera með í að setja niður markmið með tilsjónarmanni né að meta árangur af tilsjón. Foreldrar voru alla jafna búnar að hafa tilsjónarmann í langan tíma frá sjö til þrettán ár. Félagsráðgjafarnir töldu mikilvægt að auka faglega þekkingu og menntun tilsjónarmanns. Ásamt því töldu þeir mikilvægt að hafa tilsjónarmann í fullu starfi. Það sem skipti foreldrana mestu máli var að fá góðan, traustan, vingjarnlegan tilsjónarmann til að aðstoða við stuðninginn. Það var meira í ætt við góðgerðastarf sem frumkvöðlar félagsráðgjafar sinnt