Markaðssetning ferðaþjónustufyrirtækja með notkun samfélagsmiðla

Í þessari rannsókn er skoðað hvernig lítil og meðalstór íslensk fyrirtæki í ferðaþjónustuiðnaðinum nýta sér samfélagsmiðla til að markaðssetja sig gagnvart erlendum ferðamönnum. Mælitækið sem þessi rannsókn er byggð á er spurningalisti sem settur var sérstaklega saman til að svara rannsóknarspurningunni og var hann byggður á viðtölum og ábendingum frá fólki sem starfar í iðnaðinum. Spurningalistinn var sendur á 600 fyrirtæki í ferðaþjónustugeiranum en alls bárust svör frá 147 fyrirtækjum eða 24,5% . Þátttakendur fengu sendan lista þar sem þeir voru beðnir um að svara 16 spurningum. Þar af voru þrjár bakgrunnsbreytur, þar sem spurt var hvort markaðsdeild væri starfandi innan fyrirtækisins, í hvaða ferðaþjónustugrein þeir störfuðu og hvert hlutfall erlendra ferðamanna af heildarviðskiptavina hópnum væri. Niðurstöður rannsóknarinnar gefa til kynna að flest íslensk lítil og meðalstór ferðaþjónustufyrirtæki nýti sér samfélagsmiðla til þess að vekja vitund og auka sölu á þeirri þjónustu og vöru sem þau bjóða upp á. Mikill meirihluti fyrirtækjanna sem tóku þátt nota samfélagsmiðilinn Facebook til að ná til síns markshóps með því að setja út efni vikulega eða oftar. Einnig nýta þessi fyrirtæki sér Facebook til að vera í sambandi við núverandi og væntanlega viðskiptavini og svara fyrirspurnum þeirra. við viðskiptavini og væntanlega viðskiptavini og nota samfélagsmiðilinn til þess að svara fyrirspurnum þeirra