Útikennsla á yngsta stigi grunnskóla

Þetta verkefni er lagt fram til B.Ed. gráðu í grunnskólakennarafræði við Menntavísindasvið Háskóla Íslands. Markmiðið með þessu verkefni er að skoða hvað útikennsla felur í sér og hvers vegna talið er að hún sé góður kostur á yngsta stigi grunnskóla. Útikennsla er sú kennsla sem á sér stað utan skólastofunnar í náttúrulegu eða manngerðu umhverfi. Farið verður í fræðilegar skilgreiningar á hugtakinu og ákvæði um útikennslu í núgildandi aðalnámskrá grunnskóla frá árinu 2011. Fjallað verður um námskenningar nokkurra fræðimanna og hvernig þær styðja við útikennslu. Einnig verður fjallað um hlutverk kennarans í útikennslu og hvernig er best að skipuleggja þess háttar kennslu hvað varðar námsumhverfi, námsefni og námsmat. Loks verður ræddur ávinningur og hindranir í útikennslu ásamt kostum hennar og göllum