Sjálfræði aldraðra

Í þessari ritgerð er fjallað um sjálfræði aldraðra og markmiðið er að skoða hvernig öldrunarstofnanir hafa áhrif á líf aldraðra. Leitast verður við að svara hvort öldrunarstofnanir og viðhorf til aldraða ógni sjálfræði þeirra. Til að svara þessum spurningum voru skoðaðar bæði íslenskar og erlendar rannsóknir út frá sjálfræðishugtakinu. Hugtakið sjálfræði felur í sér að ráða sér sjálfur. Sjálfræði aldraðra felur í sér að óskir, viðhorf og venjur þeirra séu virtar. Helstu niðurstöður ritgerðinnar eru að öldrunarstofnanir og viðhorf til aldraðra geta ógnað sjálfræði aldraða. Aðstæður í daglegu lífi, sem okkur þykir eðlilegt að við stýrum sjálf, eru ekki endilega sjálfsagðar fyrir aldraða sem búa á öldrunarstofnunum. Viðhorf starfsmanna á öldrunarstofnunum getur ógnað sjálfræði aldraðra, rannsóknir hafa sýnt að aldraðir á öldrunarstofnunum upplifa vanvirðingu og ókurteisi af hálfu starfsmanna þeirra. Aldraðir geta skert sjálfræði fyrir sjálfum sér með eigin hugsunarháttum og viðhorfum