Hlutverk stjúpmæðra

Markmið þessarar heimildarritgerðar er að varpa ljósi á hlutverk stjúpmæðra í stjúpfjölskyldum, skoða staðalmyndir um þær og áhrif þeirra á líf stjúpfjölskyldunnar. Við vinnslu ritgerðarinnar var gögnum aflað úr íslenskum og erlendum rannsóknum. Niðurstöður leiddu í ljós að hlutverk stjúpmæðra er margvíslegt og flókið og ekki er hægt að setja allar stjúpmæður í sama flokk þar sem fjölskyldusamsetningar og tengsl eru mismunandi eftir fjölskyldum. Hlutverk stjúpmæðra fer eftir umgengni og þeim tengslum sem stjúpmóðir á við stjúpbörn og stjúpfjölskyldu sína. Sumar stjúpmæður eru helgar- eða vikustjúpmæður og aðrar verja tíma með stjúpbörnum sínum daglega og því er umgengnin og tengslin við stjúpbörnin mismikil, sem þarf að hafa í huga þegar sambönd þeirra eru skoðuð. Staðalmyndir um stjúpmæður hafa áhrif á hugmyndir samfélagsins um hlutverk stjúpmæðra og hafa einnig áhrif á hugmyndir stjúpmæðra um hlutverk sitt og sjálfsmynd þeirra. Samkvæmt rannsóknum skiptir aðlögun stjúpmæðra í stjúpfjölskyldu máli til þess að ýta undir móðurhlutverkið. Það er þó engin ein leið til þess en það hefur gagnast afar vel að byrja á því að mynda vináttu tengsl við stjúpbörnin áður en stjúpmóðirinn fer í uppeldishlutverkið. Þá er stuðningur við stjúpmæður fremur lítill í samfélaginu og gleymist oft að líta til þess að hlutverk þeirra er ekki það sama og hlutverk líffræðilegu móðurinnar