Þroski unglinga og áhættuhegðun

Í þessari heimildaritgerð er fjallað um þroska unglinga og áhættuhegðun með það að markmiðið að athuga hvaða þættir það eru í lífi ungmenna sem eru líklegastir til að ýta undir áhættuhegðun. Fjallað er um þær þroskabreytingar sem unglingar ganga í gegnum með það í huga að tengja þær við áhættuhegðun. Sagt er frá breytingu á heilaþroska, siðferðisþroska og mótun sjálfsmyndar unglinga. Greint er frá því hvað áhættuhegðun er og hvernig sú birtingamynd er hjá unglingum. Þá er einnig fjallað um helstu verndandi þætti í lífi unglinga sem geta dregið úr líkunum á að unglingar hagi sér á áhættusaman og óviðeigandi hátt. Fjallað er um notkun samfélagmiðla, hvernig unglingar nota þá og hvernig það getur haft áhrif á þau, andlega, líkamlega og félagslega. Farið er yfir hvernig áhættuhegðun getur birtist á netinu og aukning á neteinelti og ofbeldi á netstefnumótum skoðuð. Farið er yfir helstu kenningar fræðimanna sem tengjast unglingaþroska og áhættuhegðun og skoðað hvaða þættir það eru sem hafa áhrif á unglinga í kenningalegu samhengi. Fjallað er um meðferðarúrræðið MST á Íslandi, uppruna þess og innleiðingu hér á landi og hvernig það getur reynst unglingum með áhættuhegðun og félagslegan vanda