Túlkun staðlaðra samningsskilmála. Um beitingu andskýringarreglunnar

Vægi staðlaðra samningsskilmála í viðskiptum manna hefur aukist síðustu áratugi. Hafa slíkir skilmálar verið til umfjöllunar í fjölda dómsmála hér á landi og á Norðurlöndum einnig. Í þeim dómsmálum þar sem ágreiningur stendur um staðlaða samningsskilmála kveður oft að túlkun þeirra, en viðurkennt er í íslenskum og norrænum rétti að önnur sjónarmið gildi að nokkru leyti um túlkun staðlaðra samninga en túlkun almennra samninga. Eru þau sérstök að því leyti að vægi einstakra túlkunarsjónarmiða og kenninga við túlkun staðlaðra samningsskilmála er í sumum tilfellum annað en við túlkun samninga almennt. Í ritgerðinni er gerð tilraun til að varpa ljósi á þau sérstöku sjónarmið sem litið er til við túlkun staðlaðra samningsskilmála, einkum með hliðsjón af andskýringarreglunni svonefndu sem oft er ljáð talsvert vægi við túlkun þeirra