Skólafatnaður gegn einelti

Einelti í grunnskólum er vaxandi vandamál og er mikið í þjóðfélagsumræðunni. Vellíðan barna skiptir foreldra höfuðmáli og hópefli skiptir börnin miklu máli því þau vilja vera hluti af heildinni. Markmiðið hér er að varpa ljósi á hvort skólaföt muni auka frekari vellíðan barna í skólum. Rannsóknin gekk út á hvort skólaföt hafi fleiri kosti en galla, finna út hvort skólaföt leiði til betri líðan barna, minnki einelti og auki hópefli. Í rannsókninni var beitt eigindlegri og megind- legri rannsóknaraðferð. Meginmarkmið þessar erindis er að kynna niðurstöðu rannsóknar þar sem kannað var hvort hægt sé að ná betri árangri gegn einelti í íslenskum skólum með innleiðingu skólafatnaðar. Helstu niðurstöður eru að skólaföt hefðu fleiri kosti en galla þar sem nánast 60% þátttakenda voru sammála um að þau væru félagslega jákvæð fyrir börn, þau efldu bæði stolt og sjálfsmynd þeirra. Í ljós kom að skólaföt minnkuðu útgjöld heimilisins og að skólaföt bæta ímynd skóla og styðja við jákvæða hegðun hjá börnum