Einhverfa: Greiningarferli og upplifun foreldra

Greiningum á börnum með röskun á einhverfurófi fer fjölgandi og rannsóknir um málefnið fjölgar með ári hverju. Geðlæknirinn Leo Kanner lýsti fyrst einkennum einhverfu árið 1943 og byggði hann kenningu sína á hegðunareinkennum. Talið er að snemmtæk íhlutun getur skipt sköpum varðandi framtíðarhorfur einstaklings með röskun á einhverfurófi. Því skiptir máli að greining og niðurstöður hennar fáist sem fyrst. Það eru aðallega þrjár stofnanir sem greina, en það eru Barna og unglinga geðleild og Þroska- og hegðunarstöð sem gera frumgreiningu og vísa á Greiningar- og ráðgjafarstöð ríkisins. Þegar niðurstaða greiningar liggur fyrir er mörgum foreldrum létt og sumir fara í gegnum ákveðið sorgarferli. Fjölskyldumiðuð þjónusta skiptir sköpum til að hjálpa meðlimum fjölskyldunnar gegnum ferlið. Félagsráðgjafi er tengiliður fjölskyldunnar við fagaðila og vísar á ýmis úrræði. Í könnun um upplifun foreldra á greiningarferlinu á Írlandi er staðan sú að bið eftir greiningu er löng og eftir greiningu er lengri bið í úrræði. Á Bretlandi er einnig bið, en betri þjónusta en á Írlandi, hins vegar er léleg eftirfylgni. Á Íslandi eru flestir ánægðir með ferlið og stuðningsúrræði í boði samkvæmt könnun gerð af Greiningar- og ráðgjafarstöð ríkisins. Mesta óánægjan var biðtími eftir greiningu. Með aukinni fræðslu og stuðning minnkar álag á foreldra og fjölskyldur