Vinnustaðamenning hjúkrunarfræðinga í bráðaþjónustu Landspítala

Vinnustaðamenning vísar til menningar innan skipulagsheilda. Rannsóknir hafa sýnt að vinnustaðamenning hafi áhrif á frammistöðu skipulagsheilda og sé hún sterk náist meiri árangur. Rannsóknir á vinnustaðamenningu skortir meðal hjúkrunarfræðinga hér á landi og bráðahjúkrunarfræðinga alþjóðlega. Tilgangur rannsóknarinnar var að kanna vinnustaðamenningu meðal hjúkrunarfræðinga í bráðaþjónustu Landspítala, skoða styrkleika og veikleika og hvort deildir eða starfsaldur skiptu þar máli. Lýsandi þversniðskönnun með rafrænum spurningalista (Denison Organizational Culture Survey) var gerð meðal hjúkrunarfræðinga á sex bráðamóttökum á Landspítala haustið 2018. Styrkleikar fjögurra menningarvídda voru mældir með 60 spurningum, á fimm punkta Likert kvarða. Meðaltal hverrar víddar var umreiknað í 100 stiga kvarða og vinnustaðamenning metin sterk, ásættanleg eða veik. Notuð var lýsandi tölfræði, og marktæknimunar milli deilda og eftir starfsaldri greind með krossprófi og kíkvaðratprófi en menningavídda með dreifigreiningu (ANOVA) og Mann-Whitney U-prófi. Svör bárust frá 112 hjúkrunarfræðingum og heildarsvarhlutfall var 54%. Vinnustaðamenning var í heild metin veik eða gildi undir 73. Menningarvíddin þátttaka og aðild mældist hærri á bráðadeild, 76, en á bráða- og göngudeild (65) og Hjartagátt (64) (p<0,05). Menningarvíddin hlutverk og stefna mældist lægri á Hjartagátt (49) en á bráðadeild (71), bráðamóttöku barna (70) og bráðamóttöku kvenna (68) (p<0,05). Einnig mældist heildargildi vinnustaðamenningar meðal hjúkrunar-fræðinga á bráða- og göngudeild (55) marktækt lægri en á bráðadeild (71) og bráðamóttöku barna (70). Menningarvíddin þátttaka og aðild var metin mismunandi eftir starfsaldri (p