Verðtrygging. Er verðtrygging íbúðalána flókin afleiða?

Verðtrygging á Íslandi er oft til umræðu og hefur hún farið stig vaxandi eftir hrun íslenska fjármálakerfisins haustið 2008. Margir telja verðtryggingu lána ósanngjarna og jafnvel ólöglega en aðrir telja hana eðlilega í hagkerfi íslensku krónunnar og jafnvel nauðsynlega. Í ritgerðinni er rakin saga verðtryggingar íbúðalána á Íslandi, gerð grein fyrir kenningum um verðbólgu, verðtryggingu og afleiður og farið yfir ýmis lagaleg rök sem tengjast viðfangsefninu í þessari ritgerð. Megin niðurstaða ritgerðarinnar er sú að líkja má viðskiptum með verðtryggð langtíma íbúðalán við afleiðuviðskipti þar sem verðbólga til langs tíma er bæði óstöðug og ófyrirsjáanleg. Verðtrygging er vísitöluafleiða og með því að verðtryggja íbúðalán er allri verðbólguáhættu komið yfir á lántakanda. Með skírskotun í lög um verðbréfaviðskipti og EES-samninginn ætti að túlka viðskipti með verðtryggð íbúðalán sem afleiðuviðskipti sem einungis eru ætluð fagfjárfestum og viðurkenndum gagnaðilum en ekki einstaklingum sem eru að fjármagna húsnæðiskaup. Þau ættu því ekki standa almenningi til boða