Stuðningur við jákvæða hegðun: Inngripsmælingar í 4.-7. bekk í þremur grunnskólum haustið 2010

„Stuðningur við jákvæða hegðun“ (positive behaviour support) er hegðunarstjórnunarkerfi sem hefur það að markmiði að auka félagslega æskilega hegðun. Kerfinu er beitt í grunnskólum en því er ætlað að bæta skólaumhverfið ogauka lífsskilyrði barna og ungmenna með því að takmarka áhrif óæskilegrar hegðunar en um leið auka æskilega hegðun. Rannsóknir sýna að æskileg hegðun nemenda hefur aukist í þeim skólum þar sem kerfið hefur verið innleitt. Þá hefur kerfið einnig haft góð áhrif á viðmót starfsmanna til nemenda. Árin 2008-2009 hófu þrír grunnskólar í Reykjanesbæ innleiðingu kerfisins til að sporna við hegðunarvanda nemenda. Í þessari rannsókn er farið yfir niðurstöður inngripsmælinga sem gerðar voru í 4.-7. bekk í skólunum þremur haustið 2010. Mælingarnar eru hluti af stærra rannsóknarverkefni sem hófst árið 2007 og stendur enn yfir