Þekking grunnskólabarna á íslenskum þjóðlögum

Hve vel þekkja skólabörn á Íslandi íslensku þjóðlögin? Þessi spurning er megin viðfangsefni þessarar ritgerðar. Ég er fædd og uppalin í Þýskalandi á söngelsku heimili. Sem tónlistarkennara hér á Íslandi fannst mér það því skylda mín að kenna nemendum mínum íslensk þjóðlög, en komst að því að flestir nemenda minna þekktu ekki nema örfá þjóðlög. Ég vildi vita hvernig á þessu stæði. Ég skoðaði hvað er vitað um íslensk þjóðlög, varðveiðslu þjóðlagaarfsins og aðgengi að honum. Þá kynnti ég mér þær tvær kennsluaðferðir sem mest eru notaðar á Íslandi, kenndar við Zoltán Kodály og Karl Orff. Ég las námskrá í listgreinum til að fræðast um kennslu á þjóðlögum í grunnskólum landsins. Loks lagði ég spurningar fyrir tónmenntakennara um hvort og þá hvernig þeir kenni þjóðlög. Þar sem fáir svöruðu þesum spurningum eru niðurstöður þeirrar könnunar því miður ekki marktækar, en þær sýna okkur ef til vill hvert viðhorf til kennslu þjóðlaga er. Til þess að fá betri innsýn í það sem er raunverulega gert í skólastofunni sendi ég spurningar til fimm tónmenntakennara hér á landi og spurði um þeirra álit á þessu máli. Niðurstöður eru í grófum dráttum þær að þjóðlög eru kennd í mis miklum mæli í skólum á Íslandi. Það fer aðallega eftir því hvort kennarinn hefur áhuga á þeim sjálfur eða ekki. En börn þekkja íslensk þjóðlög misvel. Almennt viðhorf til íslenskra þjóðlaga er gott og menn sýna þeim aukinn áhuga. Listamenn eru í auknum mæli að gefa út geisladiska þar sem íslensk þjóðlög hafa verið sett í nýjar umbúðir. Og fræðimenn eru enn að rannsaka handrit þar sem lög og nótur finnast. Spurningin er bara hvernig við getum komið þessu efni til að skila til nemenda á grunnskólaaldri