Rýnt í störf þroskaþjálfa í ljósi alþjóðlegra viðmiða

Þessi grein fjallar um þá áskorun sem nýútskrifaðir þroskaþjálfar standa frammi fyrir á fyrstu starfsárum eftir útskrift. Sjónum er beint að gengi fagstéttarinnar á fyrstu starfsárum hennar með áherslu á starfsval þeirra á breiðum vettvangi, helstu áskoranir og viðfangsefni í starfi og hvernig þeir telja sig í stakk búna að loknu námi til að mæta þeim. Jafnframt er skoðað hvaða leiðir þroskaþjálfarnir fara til að mæta þeim kröfum sem nýjar starfsskyldur gera til þeirra. Rannsóknin er byggð á eigindlegum viðtölum við nýútskrifaða þroskaþjálfa sem starfa á breiðum starfsvettvangi, þ.e. jafnt á barna- og unglingsviði og fullorðins- og öldrunarsviði. Við greiningu gagna er horft til starfsþróunarkenninga Skovholt og Rönnestad, sameiginlegrar starfskenningar þroskaþjálfa, nýrra hæfniviðmiða í menntun þeirra og til Bolognasamþykktarinnar um samevrópskt fag- og fræða- samfélag. Hæfniviðmið AIEJ, alþjóðasamtaka Social Educators sem Þroska- þjálfafélag Íslands er aðili að verða skoðuð í ljósi niðurstaðna með áherslu á að skoða hversu vel niðurstöðurnar samræmast þeim ákvæðum sem þar er að finna