Boðskapur siðanefndarúrskurða: Reglurnar að baki reglunum

Siðareglur Blaðamannafélags Íslands hafa meðvitað verið samþykktar einfaldar og fáar þannig að þær séu opnar fyrir túlkun Siðanefndar félagsins og tíðarandanum. Í grein þessari eru siðareglurnar greindar í því skyni að leiða í ljós þau fordæmi og skilaboð sem liggja að baki úrskurðum Siðanefndarinnar sl. 10 ár, en slík greining/reifun hefur aldrei átt sér stað og opinber birting úrskurðanna raunar mjög ábótavant. Greiningin leiðir í ljós að Siðanefndin hefur á umræddu tímabili ekki aðeins útfært gildandi reglur, heldur í raun bætt viðaukum við reglurnar og þannig úrskurðað um mál og atriði sem ekki er kveðið beint á um í hinum opinberu reglum. Eftirtektarverð dæmi um þetta eru skilaboðin um að blaða- og fréttamenn eigi að veita valdaöflum aðhald og að beiting óhefðbundinna vinnubragða er talin réttmæt þegar hefðbundin vinnubrögð geta ekki leitt til upplýsingaöflunar í þágu almannahagsmuna