Það læra börnin sem fyrir þeim er haft : tengsl áfengissýki foreldra við námsárangur barna

Markmið þessarar ritgerðar er að taka saman vitneskju um áhrif áfengissýki foreldris á námsárangur barna. Fjallað verður um fjölskylduna í tengslum við áfengissýki. Einkenni og uppruni hugtaksins meðvirkni og samband þess og áfengissýki verður kynnt. Rannsóknir á því sem einkennir góðan námsárangur og rannsóknir á börnum alkahólista verða skoðaðar í samhengi. Börn alkahólista eru í áhættuhópi hvað varðar alls kyns fíknir. Niðurstöður benda þó til að áfengissýki foreldris hafi ekki bein áhrif á góðan námsárangur barna. Ef börn fá hvatningu og sjálfsstyrkingu í uppeldi sínu getur það leitt af sér góðan námsárangur. Ef gætt er að þeim þáttum er varða sjálfsmynd og sjálfstraust í uppeldi barna eru meiri líkur á að þeim farnist vel í námi