Hvernig taka velferðarkerfin á afbrotum með ólíkum hætti? Íslenska velferðarkerfið samanborið við skandinavíska velferðarkerfið annars vegar og bandaríska velferðarkerfið hins vegar

Ritgerð þessi er lokaverkefni okkar til BA-gráðu í Félags- og atvinnulífsfræði við Háskóla Íslands. Fjallað verður um velferðarkerfin og hvernig þau eru ólík eftir samfélögum. Borin verða saman velferðarkerfin á Íslandi, Bandaríkjunum og Skandinavíu. Við munum skoða hvernig þessi ólíku velferðarkerfi taka á afbrotum, meðal annars með því að skoða hvernig þau beita refsingum á afbrotamenn. Við munum aðallega skoða refsingar við efnahagsbrotum, sem oft eru kölluð hvítflibbabrot. Leitast verður við að skoða hvernig efnahagskreppan, í upphafi 21. aldarinnar hér á landi, hafði áhrif á afbrotatíðni og þá sérstaklega aukningu hinna svokölluðu hvítflibbabrota. Velferðakerfi Bandaríkjanna og Norðurlandanna eru ólík og endurspeglast það meðal annars í ólíkum áherslum í réttarkerfum og refsiúrræðum. Niðurstöður sýna að Ísland er sífellt að færast frá velferðarkerfi Norðurlandanna í átt að hinu bandaríska, en margir líta á þetta sem neikvæða þróun. Við munum fjalla um þessi málefni út frá ólíkum kenningum og sjónarhornum innan félags- og afbrotafræðinnar