Leikir barna : þykjustuleikurinn

Þetta lokaverkefni fjallar um leik leikjanna „þykjustuleikinn“ og athugun sem gerð var á þykjustuleik barna á aldrinum 2ja og 5 ára, með hliðsjón af kenningum Vygotsky. Tilgangur athugunarinnar var m.a. að athuga hvort 2ja ára börn væru farin að leika sér í þykjustuleik. Aðferðin sem var notuð við athugunina var einföld vettvangsathugun, en það form hentar vel við athuganir af þessari stærðargráðu. Fylgst var með átta börnum á aldrinum 2ja og 5 ára, var þeim aldursskipt í tvo hópa, 3 sinnum 3 leikstundir og síðan niðurstöður skoðaðar og bornar saman við kenningar Vygotsky um leik barna. Þetta lokaverkefni byggist því á því að fjalla um kenningu Vygotsky um leik barna, fjalla um leikinn og hvernig fræðimenn flokka hann eftir aldri. Út frá því er fjallað um þykjustuleikinn og það sem fræðimenn segja um hann í tengslum við athugunina sem gerð var. Þá verður gerð grein fyrir athuguninni og niðurstöðum hennar út frá kenningum Vygotsky og svo kynnt heildarniðurstaða ritgerðinnar