Fósturbörn: Úrræði barnaverndar og hagsmunir barna

Þessi ritgerð er lokaverkefni til BA-prófs í félagsráðgjöf við Háskóla Íslands. Viðfangsefni hennar eru fósturbörn almennt og hverjir helstu áhrifaþættir eru þegar kemur að velferð þeirra, ásamt því er skoðað hvernig staða þeirra hefur breyst í gegnum tíðina. Niðurstöður sýna að nokkrir þættir hafa áhrif á velferð barna. Þar er helst að nefna tengslamyndun við umönnunaraðila, líðan hjá fósturforeldrum og skólaganga. Niðurstöður rannsókna hafa sýnt að því yngri sem börn fara í fóstur, þeim mun líklegra er að þau nái að mynda góð tengsl sem veitir þeim vellíðan. Viðhorf, hæfni og aðstæður fósturforeldra er einn af lykilþáttum þegar kemur að vellíðan fósturbarns. Væntingar verða að vera raunhæfar og góður undirbúningur og fræðsla getur haft jákvæð áhrif á viðhorf og hæfni. Breytingar á aðstæðum fósturforeldra geta haft áhrif á fóstur. Afstaða fósturbarna til kynforeldra fer meðal annars eftir aldri og þroska barns og aðstæðum kynforeldra. Erfiðleikar í samskiptum við kynforeldra geta haft neikvæð áhrif á líðan fósturbarns. Viðkomandi barnaverndarnefnd velur fósturforeldra að fengnu áliti Barnaverndarstofu. Ríkar kröfur eru gerðar til verðandi fósturforeldra og getur ferlið orðið langt við ráðstöfun barns í fóstur. Hvert barn er mismunandi og eru misjöfn úrræði sem henta fyrir hvert tilfelli. Að setja barn í fóstur er lokaúrræði barnaverndarnefndar, og er það aðeins gert þegar öll önnur úrræði hafa verið fullreynd og þegar fóstur er talið vera barninu fyrir bestu