Karlmenn sem starfa með börnum : hvað hindrar karlmenn að sækja í störf með ungum börnum?

Verkefnið fjallar um eigindlega rannsókn sem gerð var á karlkyns starfsmönnun leikskóla á höfuðborgarsvæðinu. Litið var til viðhorfa þeirra til ástæðna þess hve fáir karlmenn starfi á leikskólum eins og raun ber vitni. Rannsóknarspurningin var því, hvað hindrar karlmenn að sækja í störf með ungum börnum? Leitað var svara við þessari spurningu og fleirum. Gagnanna var aflað með eigindlegum viðtölum við fjóra einstaklinga. Viðtölin voru greind með tilliti til rannsóknarspurningarinnar hér að ofan. Niðurstöðurnar voru nokkuð einhliða en þar kemur fram að launakjör meðal leikskólakennara séu almennt lág og því nauðsynlegt að hækka þau. Einnig kom fram að ef stjórnendur leikskólanna myndu markvisst ráða inn fleiri karla á leikskólana mætti fjölga þeim verulega, bæði í starfi og síðar námi. Þá kom í ljós að fjölgun leikskólakennara almennt, óháð kyni þeirra, sé mjög mikilvæg í okkar samfélagi þar sem eingöngu 20% starfsmanna leikskóla á höfuðborgarsvæðinu eru menntaðir sem leikskólakennarar