Jákvæðar skyldur við vernd eignarréttinda. Með áherslu á framkvæmd Mannréttindadómstóls Evrópu

Í ritgerð þessari verður gerð grein fyrir hinum helstu jákvæðu skyldum við vernd eignarréttinda eins og þær hafa verið settar fram af Mannréttindadómstól Evrópu við skýringu Mannréttindasáttmála Evrópu. Verður áherslan því að miklu leyti á dómaframkvæmd Mannréttindadómstólsins. Markmið ritgerðarinnar er að skýra út þessar skyldur og að lokum rekja hvort þær gætu haft þýðingu fyrir réttarumhverfið á Íslandi. Fyrst verður fjallað um Mannréttindasáttmála Evrópu og tilurð hans. Því næst verður hugtakið jákvæð skylda skilgreint og þau ákvæði sáttmálans sem þýðingu hafa fyrir eignarréttinn skoðuð. Verður svo stuttlega drepið á stöðu þessara réttinda á Íslandi. Jákvæðar skyldur verða svo teknar til skoðunar og sérhverri hinna helstu skyldna er þýðingu hafa fyrir eignarréttinn verða gerð greinargóð skil í sér undirkafla og skyldurnar bornar saman ef við á. Að lokum verður svo réttarheimildarleg staða sáttmálans hér á landi tekin fyrir og rakið hvort jákvæðu skyldurnar geti haft þýðingu hér á landi