Håpet om ei likeverdig allianse - kva er viktig for pasienten i den terapeutiske relasjonen til sjukepleiar?

Bakgrunn: Psykiske lidingar er eit globalt helseproblem og årsaka til ein tredjedel av uføretrygd i Noreg. Ein sentral faktor for betring ved psykisk sjukdom er den terapeutiske relasjonen pasienten har til helsepersonell. Formål: Å finne ut kva som er viktig for pasienten i den terapeutiske relasjonen til sjukepleiar i den psykiske helsetenesta. Metode: Ei systematisk litteraturstudie som nyttar seg av åtte utvalde forskingsartiklar. Artiklane brukt er både kvalitative-, kvantitative- og oversiktsartiklar. Resultat: Analysen av artiklane viser tre sentrale tema som er viktige for pasienten i den terapeutiske relasjonen. Det første temaet er likeverd og respekt, der ein blir involvert i eiga behandling og sett og høyrt som individ. Vidare viser analysen at sjukepleiareigenskapar- og handlingar påverkar den terapeutiske relasjonen, som at sjukepleiar er imøtekomande og omsorgsfull, kunnskapsrik og tilgjengeleg. Til slutt var det nødvendig for ein god terapeutisk relasjon at sjukepleiar klarar å finne løysingar og fremjar håp hjå pasienten. Konklusjon: For pasientane i forskinga er det mange faktorar over fleire område som påverkar den terapeutiske relasjonen. Dette gir sjukepleiarar i den psykiske helsetenesta nye moglegheiter til å styrke samarbeidet med pasienten, og danne betre terapeutiske relasjonar