Den kristne kulturarven frå ungdommens perspektiv – meir enn fridagar og julekos? : ein kvalitativ studie om den kristne kulturarvens betydning for ungdomar i dagens Noreg

Eg er tilfreds, letta og kjenner på eit visst vemod ved å setje punktum for mitt treårige masterstudium på MF. Det har både vore ei danningsreise og heile 24 faktiske reiser over fjellet frå Nordvestlandet til Oslo. Strabasane ved reisene blei meir enn nok veidd opp for av interessante førelesingar med særs kunnskapsrike lærarar og eit gjevande læringsfellesskap med medstudentane mine. Det er ikkje å kome bort frå at skriveprosessen det 3. året var tyngst og kravde sjølvdisiplin og god struktur i ein kvardag som frå før var full av gjeremål. Å skrive ei masteroppgåve føltes som å bli kasta ut i kaldt vatn, men når det går ei stund vil eg truleg kjenne på at det var den delen eg vaks mest på. Den kristne kulturarven var eit spennande tema å jobbe med, og det var også lærerikt å gjennomføre ei empirisk undersøking. Ein stor takk går til rettleiaren min Jan-Olav Henriksen. Du har alltid svart superraskt på spørsmåla mine og gitt meg konsise og konstruktive svar. Takk også for kritiske bidrag og uunnverlege kommentarar. Masteroppgåva har nesten blitt eit familieprosjekt. Eg vil takke mannen min, Kjell, som gjennom studiet har vore ein positiv motivator som eg kunne dele tankar og idear med heile vegen. Også borna må takkast for bidraget deira som prøvekaninar for intervjua, tekniske hjelparar og korrekturlesarar. Særleg vil eg takke nynorskelskaren Ingvild, som har hjelpt den tyske mor si når språket ikkje strakk til. Du har vore ein dyktig og oppmuntrande, men til tider litt streng sparringspartnar. Til slutt vil eg rette ei stor takk til dei seks flotte informantane som ga meg eit interessant glimt av deira tankar om kristendommens plass i samfunnet