«Korleis kan sjukepleiar ivareta pasientar med demens i akuttmottak på ein forsvarleg og omsorgsfull måte?»

Bacheloroppgave 2018Denne litteraturstudien vil ta føre seg fag- og forskingslitteratur. I lys av Henderson sin sjukepleieteori vil valt litteratur drøftast og tolkast for å svare på problemstillinga «Korleis kan sjukepleiar ivareta pasientar med demens i medisinsk akuttmottak på ein forsvarleg og omsorgsfull måte?». Pasientar med demens kan oppleve innlegging i sjukehus som ei negativ erfaring. Pasientane risikerer dårlegare helsehjelp på grunn av negative haldningar frå sjukepleiarane. Sjukepleiarane manglar nødvendig kunnskap om eldre og aldringsprosessar, og seier dei har for lite tid til å utøve sjukepleie slik dei ynskjer. Dersom sjukepleiar i akuttmottak har tilstrekkeleg kunnskap om gerontologi, geriatri og demensomsorg, i tillegg til ferdigheiter og kompetanse i akuttsjukepleie, vil heilskapleg sjukepleie sikre forsvarleg og omsorgsfull ivaretaking av pasienten med demens. Integritetsbevarande- og personsentrert omsorg og akuttsjukepleie er sentrale fokus. I tillegg må det verte lagt opp til eit miljø som fremmar personsentrert sjukepleie, både innan organisering, fysisk miljø og arbeidsmiljø