Euskal lexikografiari ekarri berria : Bourciez-en euskal testuetako lexikoa

1.- Sarrera Edouard Bourciez-i zor dizkiogu « Recueil des idiomes de la Région Gasconne » bildumako dokumentuak. Gaskoiez idatzitakoak alde batera utzita, guri interesatzen zaizkigun testuak 150 dira, denak euskaraz idatziak eta Ipar Euskal Herri osoa hartzen dutenak. Testuak 150 badira ere, 138 herritako euskararen berri dugu, izan ere zenbait herritan bi testu baititugu. Bourciez-en aginduz, 1894 urtean, herri horietako errientek frantsesetik herriko euskarara itzuli zuten L’enfant prodigue..