Un resto de latinidade en djudezmo, sardo e galego: a construcción verbal paraperifrástica Querer + participio

No galego falado no suroeste de Galicia existe un tipo de construción verbal que coincide plenamente cunha construción idéntica en sardo e en djudezmo ou xudeu-español dos Balcáns. Nesta contribución pretendemos analizar esta conexión non casual entre galego e sardo e esbozamos a idea dunha orixe común nun tipo de construción latina da que só quedan hoxe resultados precisamente nas dúas linguas latinas máis arcaizantes: galego e sardo. E tamén pretendemos analizar se este tipo de construción verbal é perífrasis verbal ou non.