Porto Alegreko (Brasil) aurrekontu parte-hartzailea: hirugarren bidea, hirugarren mundua?

Brasil eta bereziki Porto Alegre hiria erreferentzia-puntu sendoa izan da azken hamabost urteotan demokrazia parte-hartzailearen ikertzaileentzat. Porto Alegreko alkate petista baten hitzak erabiliz, orain arte burututako esperientzia iraultzaileek, nahiz eta hasieran desberdintasun sozialak gutxitzeko asmatuak izan, azken batean aldatu duten gauza bakarra izan da Çgutxi batzuen ugaritasunaren mundua, gutxi guztientzako munduaren trukeÈ. Bere ustez, Estatua ez da hobetu, demokrazia ez da sakondu eta parte-hartze politikoa ere ez. Herritarren kontzientzia-maila ez da altxatu eta ez zaio onartu gizartearen katebegi sentitzea. Ez da zapalkuntza amaitu ezta egoismoa, arrazismoa eta sexismoa ere. Ideal duinetan oinarrituta baziren ere, iraultza horiek ez zituzten beren helburuak lortu. Eta gure galdera da: azken hogei urteotan, Latinoamerikatik heldu zaizkigun parte-hartze politikoaren formula berriak zertara datoz, gatazka sozio-politikoak saihestera ala gatazka birplanteatzera