Tokiko praxietan oinarrituriko demokrazia parte-hartzaileak

Ikerketa-ekintza parte-hartzailean oinarrituta, zenbait praxi eraikitzen lagun-du dugu lau udalerritan: Pedreran, Sevillako hegoaldeko mendilerroan, 1996 eta 1997 artean; Santiponcen, Sevillako metropoli-barrutian, 1998 eta 1999 artean; Bollullos Par del Condadon, Huelvako ekialdean, 2002an; eta Cabezas de San Juanen, Sevillako hego-ekialdean, 1999 eta 2003 artean. IU-LV-CAk gobernaturiko 20.000 biztanletik beherako herrialdeak dira laurak. Artikulu honetan, eraikitako praxi horiek azaldu nahi ditugu. Lau ikerketa horietan, tokian tokiko demokrazia parte-hartzailea sortu eta sustatu nahi izan da. Emandako datu horiekin ez dugu adierazi nahi ezin denik lan egin beste alderdi batzuek gobernatzen duten udalerrietan, biztanle gehiagoko udalerrietan edo tokian tokiko esperientziatik harago; batera lan egin dugun espazioetako datuak besterik ez dira