Şəkərli diabetdən əziyyət çəkən xəstələrdə şəxsiyyət pozuntuları

Dissertasiya işi giriş, 3 fəsil, nəticə, ədəbiyyat siyahısı və mövzuya dair əlavələrdən ibarətdir. Giriş hissəsində şəkərli diabet xəstəliyinin və şəxsiyyət pozuntusunun aktuallığı, mövzu ilə bağlı aparılan müzakirələr və əldə edilən məlumatlar verilmişdir. Birinci fəsildə şəkərli diabet xəstəliyinin tarixi, tibbi təsviri, Azərbaycanda və dünyada artım faizləri, təsnifatı və psixoloji amillərin xəstəliyin gedişinə təsir edərək yaratdığı psixoloji pozuntulardan bəhs edilmişdir. İkinci fəsildə ümumilikdə şəxsiyyətə verilən təriflərə və yaradılan nəzəriyyələrə yer verilmiş, şəxsiyyət tipləri, fərd və şəxsiyyət anlayışının fərqləri haqqında məlumatlar öz əksini tapmışdır. Bu fəsildə şəkərli diabet xəstələrində şəxsiyyət pozuntusunun müxtəlif istiqamətlərdə araşdırılması, əlamətləri və “mən-obraz”da meydana çıxan pozuntular sistemli şəkildə öyrənilmişdir. Üçüncü fəsildə şəkərli diabetdən əziyyət çəkən xəstələrdə şəxsiyyət pozuntularının eksperimental-psixoloji tədqiqi və nəticələrin kliniki-psixoloji, riyazi-statistik təhlili verilmişdir. Bu fəsildə tədqiqatın strukturu, tədqiqat iştirakçıları, tədqiqatda istifadə olunmuş metodikalar, alınan nəticələrin təhlili öz əksini tapmışdır