Samspelet mellom stad, erfaring og erindring i romanane Stigninger og fald og New Forest av Josefine Klougart

Denne oppgåva er ei lesing av korleis Josefine Klougart sine romanar Stigninger og fald (2010) og New Forest (2016) rommar ulike erfaring- og opplevingsmåtar av stad. Målet er å identifisere, skildre og analysere det som den irske forfattaren Seamus Heaney kallar the sense of place i dei to romanane. Lesinga undersøker kva slags emosjonell og psykologisk effekt staden kan ha for romanpersonane, og kva rolle erindringa har for måten dei nærmar seg staden. Oppgåva hentar sin teoretiske bakgrunn i Heaney sitt essay «The Sense of Place», og Dan Ringgaard sitt moderne og kosmopolitiske stadomgrep i essaysamlinga Stedssans (2010). I tillegg vil oppgåva undersøke og samanlikne den stadlege tankemåten som kjem til syne i romanane, med eit utval historisk kjende linjer i stadtenkinga, representert av Martin Heidegger sitt fenomenologisk-ontologiske stadomgrep og Friedrich Schiller sitt skilje mellom ein naiv og sentimental diktemåte