Rasa Sumelange Paraga Utama Sajrone Cerbung Pilihan Anggitane Ardini Pangastuti Bn (Tintingan Psikologi Sastra)

Cerbung Pilihan yaiku  cerbung kang nyritakake ngenani bab godhaning bebrayane Bramantya (Bram) lan Asmarani (Rani). Punjere soal slingkuh.cerbung iki anggitane Ardini Pangastuti BN. Sajrone  slingkuh dhewe kuwi uga prekara kang rumit amarga sing padha nglakoni kuwi bedha-bedha. Paraga utama iki kang ngalami rasa sumelang nalika mangerteni yen dheweke di slingkuhi dening bojone.  Sajrone cerbung iki Panliten mokusake ngenani rasa sumelange paraga utama lan bakal di andharake kanthi tintingan psikologi sastra mligine migunakake teori Psikoanalisis Sigmund Freud kang ngemot bab Id, Ego lan Super Ego. Adhedhasar andharan mau, prakara kang bakal dianalisis ing panliten iki yaiku: (1) kepriye wujud rasa sumelang kang dialami dening paraga utama sajrone cerbung Pilihan?. (2) kepriye penyebabe paraga utama nandhang rasa kuwati sajrone cerbung Pilihan?. (3) kepriye carane paraga utama ngatasi rasa sumelang sajrone cerbung Pilihan?. Gegayutan karo underane panliten kasebut, panliten iki nduweni ancas yaiku: (1) ngandharake wjud rasa sumelang kang dialami dening paraga utama sajrone cerbung Pilihan. (2) Ngandharake panyebabe paraga utama ngalami rasa sumelang sajoe cerbung  Pilihan. (3) ngandharake carane paraga utama ngatasi rasa sumelang sajrone ccerbung pilihan. Sabanjure panliten iki nduweni piguna tumrap limang pihak, yaiku: (1) Tumrap panlliti,bisa ngecakake kawruhan ketrampilan sing wis ditanpa nalika kuliyah. (2) Tumrap Sastra Jawa Modern, diajab bisa aweh piguna tumrap pangrembakane sastra jawa modern. (3) Tumrap Piwulangan ing sekolah, bisa digunakake minangka sarana kanggo bahan piwulang ing sekolah, mligine apresiasi karya sastra,.(4) Tumrap piwulang sastra, bisa digunakake bahan minangka pasinaon apresiasi karya sastra lan uga kanggo nambahi kritik sastra. (5) Tumrap pamaos, diajab bisa kanggo njembarake kawruh sajrone negesi karya-karya sastra crita sambung kanthi nggunakake teori psikologi sastra miligine psikoanalisis Sigmund Freud kang ngemot struktur kapribadhene ana Id,Ego, Super Ego. Panliten iki kalebu panliten kualitatif.Sumber  dhata ing panliten iki arupa teks crita sambung Pilihan.Teknik panglumpukaning dhata sajrone panliten iki yaiku kanthi studi kapustakan. Tata cara analisis dhata nggunakake metodhe analisis teks kang nggunakake tintingan Psikologi Sastra miligine Psikoanalisis Sigmund reud. Asile panliten nuduhake kepriye wujude rasa sumelang paraga utama sajrone cerbung Pilihan. Wujud rasa sumelange yaiku rasa sumelang neurosis kang ngemot ngenani bab bingung, was-was, lan sujana. Rasa  sumelang moral yaiku ngemot bab  ngrasa luput lan kaget. Rasa  sumelangrealistis yaiku ngemot ngenani piwales dhendhame lan nemtokake pilihan. Saliyane kuwi panliten iki bakalan nuduhake penyebabe paraga utama nandhang rasa sumelang yaiku: (1) Kelamgan, (2) Panganggepe bebrayan, (3) Anake dadi korban. Sabanjure yaiku  cara ngatasi rasa sumelange paraga utama kanthi cara (1)Ngadoh saka bojone, (2) Nggawe panas atine Bojone, (3) Njaluk Pamawas liyan bojone. Tembung Wigati :Psikologi Sastra