Мали музичко-формални градбени елементи на музичкото дело

Формалната рамка во која композиторот ги изнесува своите музички идеи е дефинирана како музичка форма и подлежи на општите естетски закони на природата на музичката уметност кои влијаат врз организирањето на музичката материја во една логична и приемлива музичка целина. Според видот на музичкиот материјал, бројот на повторувања и начинот на разработка, музичката форма може да биде проста или сложена Исто така, оваа поделба го диктира и пристапот кон градбените музички целини движејќи се од најмалите кон поголемите, од едноделните кон повеќеделните, и од едно-ставните кон повеќеставните. Во овој текст ќе се осврнеме кон најмалата музичко формална целина-мотив која од времето на класицизмот претставува најзначајна функционална единица. Притоа се претставени и неколку техники на работа со мотивот кои се сметаат за основни постапки и се однесуваат на другите видови музички материјали со различна функција