Pogled na religijsku znanost

Perlustrando data religionis ethnol.-historica necnon individualiter observata, scientia religionis principaliter eo tendit, ut notionem psychologicam de religione (subjective sumpta) exactam acquirat. Ideo primum sermo est breviter de methodis psychol. investigationis. — Ex analysi circa notam religionis characteristicam statuitur tamquam factum primitivum cujuslibet phaenomeni religiosi: habitus animae versus aliquid supremum et transempiricum; ac proinde actus intentionalis objecti religiosi primarium elementum psychicum religionis efficit. Undenam provenit? Cum objectum religiosum supplementum a1iquod respectu mundi empirici includit, certe ratio functionem religiosam movens in perspecta aliqua mundi limitatione consistit; unde conceptio dependentiae ab ente transempirico — divino exoritur. Postquam objectum religiosum psychologice ita determinatum est, haud difficile eruitur religionem diversas functiones psychicas complecti. Philos. critica dein problema de valore seu de fundamento veritatis religiosae sc. problema de existentia et natura objecti religiosi inquirit. Probata realitate mundi empirici, dein probato valore metaphysico principii causalitatis... objectum religiosum concluditur esse transcendens, absolutum et personale. Nunc habetur definitio religionis ontologice aspectae, de qua in theodicea uberius discutitur